Qyzylordalyq «Qaısar» fýtbol klýbynyń baqylaý keńesi quryldy
QYZYLORDA. KAZINFORM – Qyzylorda oblysy «Qaısar» fýtbol klýbynyń baqylaý keńesi jasaqtaldy. Bul týraly klýbtyń baspasóz qyzmeti habarlady.
Keńes tóraıymy bolyp Altyn Samruk Qazaqstan AQ dırektorlar keńesiniń múshesi Gúlbaný Pazylhaır saılandy. Ol buryn Premer-mınıstrdiń keńesshisi bolǵan, Qyzylorda oblysynyń týmasy.
«Sondaı-aq keńes quramy belgili boldy. Oǵan iri bıznes ókilderi, halyqaralyq kompanııalar, bank sektory, saýda jelileri, sondaı-aq qarjy jáne ınvestıtsııa salasynyń mamandary endi. Bul klýbty basqarýda bıznestiń praktıkalyq tájirıbesi men zamanaýı eýropalyq tásilderdi qoldanýǵa múmkindik beredi. Baqylaý keńesi iri seriktester tartý, turaqty qarjylyq model qalyptastyrý, tıimdi korporatıvtik basqarýdy engizý jáne klýb akademııasyn damytýǵa den qoıady», delingen habarlamada.
Klýb habarlamasynda óńirlik bıznesti qoldaýǵa jáne tartýǵa da basymdyq beriletini aıtyldy.
Eske salaıyq, Qyzylorda oblysynyń «Qaısar» fýtbol klýby ótken jyldyń 30 qazanynan bastap resmı túrde «TAU Group LTD» kompanııasynyń basshysy Islamǵalı Qozbaqovtyń jeke basqarýyna berildi.