Qyzylordalyq kásiporyn 4,5 mln teńgege jýyq aıyppul tóledi
QYZYLORDA. KAZINFORM – QR UEM Tabıǵı monopolııalardy retteý komıtetiniń Qyzylorda oblysy boıynsha departamenti «Shalqııa Tsınk LTD» AQ-nyń tarıftik smetany oryndaýynan kemshilik tapty.
Tabıǵı monopolııalar týraly zańnyń 26-baby 2-tarmaǵynyń 15- tarmaqshasyna sáıkes tabıǵı monopolııa sýbektisi bekitilgen tarıftik smetany oryndaýǵa mindetti.
- «Shalqııa Tsınk LTD» qoǵamy tarıftik smetada kózdelgen amortızatsııalyq aýdarymdar qarajatyn maqsatsyz paıdalanǵan. Sondaı-aq bazalyq qaıta qarjylandyrý mólsherlemesin eskere otyryp, 11 252,14 myń teńge kóleminde ótelmegen shyǵynǵa jol bergen. Osyǵan baılanysty departamenttiń buıryǵymen básekeles kirme jol bolmaǵan aktsıonerlik jaǵdaıda kirme jol qyzmetterine tarıfti 21%-ǵa tómendete otyryp, ýaqytsha óktemdik tarıf engizildi.
Sonymen qatar ákimshilik is qozǵap, 6 291 200 teńge mólsherinde aıyppul saldy. Sottyń 2026 jylǵy 20 qańtardaǵy qaýlysymen ákimshilik kodekstiń 829-11-babynyń 2-bóligi negizinde ákimshilik aıyppul somasy 30%-ǵa qysqartylyp, 4 403 840 teńge boldy.
Qazirgi ýaqytta aıyppul tolyq kólemde memlekettik bıýdjet kirisine tólendi, - delingen habarlamada.
Buǵan deıin biz elimizdiń tabıǵı monopolııa sýbektileri 2 jylda 44 mlrd teńgeni maqsatsyz jumsaǵanyn jazdyq.
