Qyzylordalyq kásipkerlerdiń 100 mln teńgeden astam qarjysy qaıtaryldy

QYZYLORDA. KAZINFORM – Bıyl 3 aı ishinde Qyzylorda oblysynda 1400-den astam kásipkerdiń quqyǵy qorǵalyp, 24 laýazymdy adam jaýapkershilikke tartyldy.

Oblys prokýrorlary 590-nan astam kásipkerlik sýbektisiniń qyzmetin zańsyz tekserý jaǵdaıyna bóget boldy. Kásipkerlerdiń 100 mln teńgeden astam qarjysy qaıtaryldy.

«El ekonomıkasyna 568 mlrd teńge úlesi bar 12 ınvestordyń problemalyq máseleleri sheshildi. Mysaly, «Prokýrorlyq súzgi» jobasy aıasynda ýákiletti organnyń «Maral-Nur» seriktestiginiń jer ýchaskesin májbúrlep alyp qoıý týraly talap aryzy qanaǵattandyrylmady. Investordyń jer ýchaskesine qatysty shekteýler alynyp tastaldy.

Prokýratýranyń mobıldi tobyna 20-ǵa jýyq sıgnal kelip tústi, onyń 5-i rastaldy», – delingen oblystyq prokýratýranyń habarlamasynda. 

Buǵan deıin Qyzylorda oblysynyń prokýratýrasy kásipkerlik sýbektisiniń qyzmetin zańsyz tekserý faktisin anyqtaǵanyn jazǵanbyz.