Qyzylordalyq kásipker qomaqty salyqty tóleýden jaltarǵan
QYZYLORDA. KAZINFORM – Qyzylordada memleket bıýdjetine tólenýi tıis salyq jáne ózge de mindetti tólemderdi tóleýden jaltarǵan kásipker ıÝn Olegke qatysty sot úkimi shyqty. Bul týraly Qyzylorda oblysy boıynsha ekonomıkalyq tergep-tekserý departamentinen habarlady.
Kásipker deklaratsııaǵa kiris-shyǵysy týraly burmalanǵan derek engizip, memleketke 326 mln 369 myń teńgege jýyq zalal keltirgen.
- Apellıatsııalyq sot úkimimen ıÝn Oleg Qazaqstan Respýblıkasy Qylmystyq kodeksiniń 245-babynyń 3-bóligimen kináli dep tanyldy. Oǵan 4 jylǵa bas bostandyǵyn aıyrý jazasy taǵaıyndaldy. Sondaı-aq memleketke keltirilgen zalaldy óndirý mindetteldi. Azamattyq talapty qamtamasyz etý maqsatynda quny 22 mln 440 myń teńge turatyn «LEXUS LX 570» avtokóligi jáne jalpy quny 49 mln 270 myń teńgege jýyq 13 arnaıy tehnıkaǵa tyıym salý sharalary saqtaldy, - delingen habarlamada.
Biz buǵan deıin Qyzylordada kásipkerlerden 88 mln teńgeden astam qarjy jymqyrǵan sottalýshy qamaýdan bosatylǵanyn jazǵanbyz.
