Qyzylordaǵy balabaqshada balalardy julqylaǵan tárbıeshiniń ústinen qylmystyq is qozǵaldy
QYZYLORDA.KAZINFORM — Áleýmettik jelide Qyzylorda qalasyndaǵy balabaqshalardyń birinde tárbıeshiniń balalardy bar kúshimen julqylap, olarmen dóreki qarym-qatynas jasaǵany aıqyn kórinetin beınejazba tarady.
Bul jeli qoldanýshylarynyń arasynda qyzý talqylandy. Oblystyq polıtsııa departamenti atalǵan jáıtke baılanysty resmı túsinik berdi.
— Kámeletke tolmaǵan adamdy tárbıeleý jónindegi mindetterdi tıisinshe oryndamaý deregine qatysty qylmystyq is qozǵaldy. Qazirgi ýaqytta qajetti tergeý áreketteri júrgizilip jatyr, onyń ishinde polıtsııa tárkilengen beınematerıaldardy zertteý ústinde. Oblystyq bilim basqarmasyna tıisti usynys engizildi. ıÝvenaldy polıtsııa qyzmetkerleri aldaǵy ýaqytta mundaı jaǵdaılardyń aldyn alýǵa baǵyttalǵan profılaktıkalyq sharalardy jalǵastyrady, — delingen habarlamada.
Jaqynda áleýmettik jeliler men messendjerlerde ata-analarǵa aqshalaı syıaqy úshin balasyn balabaqshaǵa kezeksiz ornalastyryp berýdi ýáde etken zańsyz habarlandyrýlar qaptaǵanyn jazǵan edik.
