Qyzylordaǵa halyqaralyq kóne kólikter kerýeni keldi
QYZYLORDA. KAZINFORM - Álemniń 22 elinen retrotehnıkaǵa qyzyǵýshylyq tanytqan 287 adamnan turatyn «Beıjiń - Parıj 2024» avtosherýi Qyzylorda qalasynda boldy.
Qytaı astanasy Beıjiń qalasynan 18 mamyrda jolǵa shyqqan avtosherýge qatysýshylar eki aptadaı ýaqyttan keıin Qyzylorda qalasynda aıaldady. Kóne kólikterdiń ishinde eń eskisi 110 jyl buryn shyǵarylǵan amerıkandyq «LaFrance» kóligi eken. Avtokólikterdiń ortasha jasy 88 jyldy quraıdy.
Avtosherýge qatysýshylar Beıjińnen shyqqan keıin Úrimshi arqyly Qazaqstan shekarasyna ótken. Sodan beri Almaty, Jambyl, Túrkistan oblystaryn basyp ótip, Qyzylorda qalasyna keldi. Atalǵan shara kezinde polıtseıler qaýipsizdik sharalaryn, qoǵamdyq jáne jol qaýipsizdigin qamtamasyz etti.
Sherýge qatysýshylar tártip saqshylaryna alǵys bildirdi. Endi olar Aqtaý arqyly Bakýge ótip, sherýdi 23-maýsymda Parıjde aıaqtaıdy. Araqashyqtyǵy - 14 myń shaqyrym.
Aıta ketsek, arheologter Qyzylorda oblysyndaǵy Jankent shaharynyń irgetasy besinshi ǵasyrda qalanǵan degen boljam aıtyp otyr.
