Qyzylordadaǵy jol apaty: kúdiktini tabýǵa kómektesken adamǵa syıaqy beriledi
QYZYLORDA. KAZINFORM – Qyzylordadaǵy zań kompanııasy adam ólimine ákep soqqan jol-kólik oqıǵasy boıynsha kúdiktini tabýǵa kómektesken adamǵa qarjylaı syıaqy taǵaıyndady.
– Kompanııa polıtsııa izdestirip jatqan azamattyń ornalasqan jerin anyqtaýǵa kómektesken adamǵa 500 myń teńge kóleminde aqshalaı syıaqy jarııalaıdy. Bul bastama quqyq qorǵaý organdaryna izdestirý jumystary barysynda qoldaý kórsetý maqsatynda qolǵa alynyp otyr, – delingen habarlamada.
Ol úshin aqparattyń shynaıy ári naqty bolýy, izdestirilip jatqan adamnyń ornalasqan jerin anyqtaýǵa tikeleı yqpal etýi tıis. Syıaqy quqyq qorǵaý organdary aqparattyń nátıjeliligin rastaǵannan keıin jarııalanǵan tolyq sharttarǵa sáıkes tólenbek.
Qandaı da bir aqparatty biletinadam 102 nómirine habarlasa alady.
Eske salaıyq, osy qaıǵyly jol apaty saldarynan 5 aılyq náreste kóz jumǵan edi. Qyzylorda qalalyq polıtsııa basqarmasynyń málimetine súıensek, oqıǵa 13 qazanda keshki saǵat bestiń shamasynda qaladaǵy Qultekenov kóshesinde bolǵan.
