Qyzylordadaǵy janarmaı quıý beketinde órt shyǵyp, bir adam zardap shekti

ASTANA. KAZINFORM — Órt sóndirýshiler janarmaı quıý beketindegi 360 sharshy metr aýmaqtaǵy órtti joıdy, dep habarlaıdy Tótenshe jaǵdaılar mınıstrliginiń baspasóz qyzmeti.

Qyzylorda oblysy Shıeli aýdanynyń Attas kentindegi janarmaı quıý beketinde gaz-aýa qospasynyń tutanýy keıinnen janýyna ákelip, jalyn jaqyn ornalasqan 2 qabatty ǵımaratqa kóshken.

— Órt sóndirýshiler jaqyn jerde turǵan benzıni bar 20 tonnalyq rezervýardy joǵary temperatýradan jarylýynyń aldyn alý úshin sýmen salqyndata otyryp, 360 sharshy metr aýmaqtaǵy órtti joıdy. Oqıǵa saldarynan 1991 jyly týǵan janarmaı quıý beketiniń qyzmetkeri aýyrlyǵy ortasha dárejede aýrýhanaǵa jatqyzyldy, — delingen vedomstvo habarlamasynda.

TJM kásipkerlerdi órt qaýipsizdigi erejelerin saqtaýǵa shaqyrady.

Eske salsaq, buǵan deıin elimizde órt qaýipsizdigine arnalǵan aılyq aktsııa ótetini habarlandy.