Qyzylordadaǵy jańa jylý ortalyǵy elektr energııasyn óndire bastady
QYZYLORDA. KAZINFORM — Elimizdiń ońtústik óńirlerindegi elektr energııasy tapshylyǵy máselesin sheshý maqsatynda Qyzylorda qalasynda jańa jylý elektr ortalyǵy salynyp jatqany belgili.
Oblystyq energetıka jáne turǵyn úı-kommýnaldyq sharýashylyq basqarmasynyń málimetinshe, jańa nysannyń qýaty 240 megavatt elektr energııasyn, 277 gıgakalorııa jylý energııasyn óndirýge jetedi.
— Quny 215 mlrd teńge jylý elektr ortalyǵynyń qurylysyn tolyǵymen ınvestor, «Aksa Energy» túrik kompanııasy moınyna alǵan. Qazirgi kezde qýaty 176 megavat 2 gaz týrbınalyq qondyrǵy, 95 megavat bý týrbınasy, saǵatyna 120 tonna 2 bý qazandyǵy men
150 gıgakalorııa 4 jylý qazandyǵy túgel jetkizildi. Tolyǵymen ornatyldy. Investor jylý ortalyǵyn testtik rejımde iske qosty. Osylaısha 88 megavatt elektr energııasyn óndirdi, — dedi basqarma basshysy Medet Ýsaın.
Jyl sońyna deıin qosymsha 88 megavatt elektr energııasy óndirilip, jalpy qýat
176 megavattqa jetedi dep kútilip otyr. Kelesi jyly bý týrbınasy iske qosylyp, qosymsha
95 megavatt elektr energııasyn shyǵarmaq.
Buǵan deıin habarlaǵanymyzdaı, Ekibastuz JEO-da jylý maýsymy aldyndaǵy jóndeý jumystary júrgizilip, jeti qazandyq bútindeldi.