Qyzylordadaǵy jańa stadıon UEFA-nyń tórtinshi sanatyna ıe boldy
QYZYLORDA. KAZINFORM - Qyzylorda qalasynda jańadan boı kótergen «Qaısar-arena» stadıony UEFA-nyń eń joǵary 4-shi sanatty sertıfıkatyna ıe boldy.
Bul jóninde Qazaqstan fýtbol federatsııasy kásibı klýbtar arasyndaǵy jarystar ótkizý dırektsııasynyń basshysy Baqytjan Pazylhaıyr Qazaqstan kýbogyn tanystyrý rásiminde jýrnalısterge aıtyp berdi.
UEFA mamandary stadıondy sretıfıkattaý baǵytynda tıisti jumystar júrgizdi. Nátıjesinde ony eń joǵarǵy 4-shi sanatty sertıfıkatyna laıyqty dep tanydy.
Stadıonda 4 qazan kúni elimizdiń fýtbol jankúıerleri úshin mańyzdy oıyn ótpek. Onda Qazaqstan kýbogynda shymkenttik «Ordabasy» men qostanaılyq «Tobyl» fınalda kezdesedi.
Osy aıtýly doda qarsańynda Qyzylorda qalasyndaǵy saýda ortalyǵynda Qazaqstan kýbogynyń tanystyrylymy ótip, kópshilik nazaryna usynyldy.
Eske salsaq, budan buryn fýtboldan Qazaqstan quramasynyń bas bapkeriniń mindetin atqarýshy taǵaıyndaldy.