Qyzylordadaǵy jańa stadıon UEFA lıtsenzııasyn qashan alady
QYZYLORDA. KAZINFORM – Byltyr kúzde Qyzylorda qalasynda 11 myń kórermenge arnap ashylǵan jańa stadıonǵa UEFA lıtsenzııasy resmı túrde qashan tabystalady? Kazinform tilshisi oblystyq dene shynyqtyrý, sport jáne týrızm basqarmasyna osyndaı saýalmen júgindi.
Basqarmanyń málimetinshe, stadıon ótken jyly qazan aıynda lıtsenzııaǵa qol jetkizgen. Al ony resmı túrde tabystaý aldaǵy kóktemge josparlanǵan.
– Qyzylorda qalasyndaǵy «Kaysar Arena» stadıony 4 qazanda Qazaqstan rýbogynyń fınaldyq oıynymen resmı túrde ashyldy. Stadıon Qazaqstan fýtbol federatsııasy tarapynan lıtsenzııalanyp, UEFA Time baǵdarlamasyna 4-sanattaǵy stadıon retinde engizildi. Sáıkesinshe UEFA ınspektsııasyn ótkizý sáýir-mamyr aılaryna josparlanǵan. Atalǵan uıym málimetine sáıkes, stadıon 4-shi sanatty talapqa tolyqtaı sáıkes keledi. Stadıonnyń oıyn alańy FIFA testileýinen ótip, eń joǵary deńgeı — FIFA QUALITY PRO sertıfıkatyn ıelendi, - delingen habarlamada.
Basqarmanyń málimetinshe, bul stadıonǵa aýqymdy matchtar men halyqaralyq jarystardy ótkizýge tolyq múmkindik beredi. Jańa stadıon sondaı-aq UEFA-nyń resmı saıtyna engizilgen.
Aıta keteıik, fýtbol alańy zamanaýı jasandy kógalmen jabdyqtalyp, jaryqtandyrý júıesi de UEFA talaptaryna saı jasalǵan. Jańadan salynǵan sport nysanynyń jalpy aýmaǵy 20 myń sharshy metrden asady.