Qyzylordadaǵy jańa elektr stantsııasy 500 mln kVt·saǵat energııa óndirdi
ASTANA. KAZINFORM — Qyzylordadaǵy jańa gaz jylý elektr stantsııasy 500 mln kVt·saǵat elektr energııasyn óndirdi.
Qyzylordada iske qosylǵan qýaty 240 MVt jańa bý-gaz qondyrǵysy Qazaqstannyń Biryńǵaı elektr energetıkalyq júıesine qosqan úlesin ulǵaıtýda. Stantsııa iske qosylǵannan beri shamamen 500 mln kVt·saǵat elektr energııasyn óndirip, tutynýshylardy elektr energııasymen senimdi qamtamasyz etýge óz úlesin qosyp keledi.
Bul kólem 130 myń páterdi bir jyl boıy elektr energııasymen qamtamasyz etýge nemese halqy 400 myńnan astam adamdy quraıtyn qalanyń bir jyldyq elektr energııasyna degen qajettiligin óteýge jetkilikti.
Bıyl Qazaqstanda jalpy qýaty 2,6 GVt jańa generatsııa kózderin iske qosý josparlanyp otyr. Atap aıtqanda, 4 gaz elektr stantsııasy paıdalanýǵa beriledi, sondaı-aq eki elektr stantsııasyn keńeıtý josparlanǵan. Budan bólek, jańartylatyn energııa kózderiniń 10 jańa nysany iske qosylady.
Bul jobalardy iske asyrý 2027 jyldyń birinshi toqsanynda eldegi elektr energııasy tapshylyǵy máselesin sheshýge, al 2029 jylǵa qaraı elektr energııasynyń turaqty profıtsıtine shyǵýǵa múmkindik beredi.
Aıta ketelik elde energetıka salasyn jańǵyrtýǵa 6,2 trln teńge baǵyttalatyny týraly jazǵan edik.
