Qyzylordadaǵy mektepte 1000 oqýshy bir mezette Ánurandy oryndady
QYZYLORDA. KAZINFORM – Qyzylorda qalasyndaǵy Abaı atyndaǵy daryndy balalarǵa arnalǵan úsh tilde oqytylatyn mamandandyrylǵan synyptary bar mektep oqýshylary Respýblıka kúnine erekshe tartý jasady.
Mekteptiń 1000 oqýshysy hormen Qazaqstan Respýblıkasynyń Memlekettik Ánuranyn oryndasa, 200 bala «Balbyraýyn» kúıin kúmbirletti.
- Іs-sharanyń maqsaty – bilim alýshylardyń memlekettik rámizderge qurmetin, otansúıgishtik qasıetin arttyryp, azamattyq jaýapkershiligin nyǵaıtý. Memlekettik Ánurandy bir mezette oryndaý oqýshylardyń el birligi men ulttyq qundylyqtarǵa qurmetin bildiretin ortaq sharaǵa aınaldy. Al Qurmanǵazynyń shyǵarmasyn oryndaǵan oqýshylar ulttyq ónerdiń qudireti men urpaqtar sabaqtastyǵynyń mánin pash etti, - delingen mektep habarlamasynda.
Eske salaıyq, Búgin Oral qalasyndaǵy Tuńǵysh Prezıdent alańynda 25 qazan — Respýblıka kúnine oraı Memlekettik Tý kóterý rásimi ótti.
