Qyzylordadaǵy kirpish tsehynda sottalǵan 50 adam eńbek etedi

QYZYLORDA. KAZINFORM – Búginde Qyzylorda oblystyq qylmystyq atqarý júıesi departamentine qarasty №60 mekemede sot úkimi boıynsha bostandyǵynan aıyrylǵandardy 13 kásiporyn jumyspen qamtyp otyr.

Atalǵan vedomstvonyń baspasóz qyzmeti habarlaǵandaı, sonyń biri – 50 jumysshysy bar kúıdirilgen kirpish óndirisi. Kásiporyn departamentke qarasty №60 mekemeniń óndiristik aımaǵynda ornalasqan.

– Jazasyn óteýshiler jumysqa óz erkimen ornalasady. Memleketten járdemaqy alatyn I, II toptaǵy múmkindigi shekteýli adamdar, sonymen qatar zeınet jasyna jetkender jumysqa alynbaıdy. Qalǵanyn múmkindiginshe qabyldaýǵa tyrysamyz – dedi departamenttiń bólim bastyǵy, ádilet maıory Aıdana Ábdireıimova. 

Jumysshylardyń biri suhbat barysynda sottalǵanǵa deıin turaqty jumysy bolmaǵanyn aıtty.

– Men úshin bul óte mańyzdy. Óıtkeni jumys barysynda jaǵymsyz oılar men emotsııalardan alshaqtap, eń bastysy, ózime de, qoǵamǵa da paıdaly ýaqyt ótkizemin, - dedi ol.

Kásiporyn 2016 jyly ashylǵan, kúnine orta eseppen 3 myńdaı kirpish shyǵarady. 

Aıta keteıik, Qyzylorda oblysynda qylmystyq atqarý júıesine qarasty 3 mekeme bar. Olarda 1400-ge jýyq adam jazasyn ótep jatyr.