Qyzylordadaǵy keıbir qaýipti óndiristik obektiler úı-jaılarǵa jaqyn ornalasqan
QYZYLORDA. KAZINFORM — Qyzylorda oblysynda qaýipti óndiristik obektilerdiń turǵyn úılerge, qoǵamdyq ǵımarattarǵa jáne saýda oryndaryna jaqyn ornalasýy oqys oqıǵalar men zańbuzýshylyqtarǵa ákep otyr.
Oblystyq tótenshe jaǵdaılar departamentiniń ónerkásiptik qaýipsizdik basqarmasy qujattary tolyq, kelisim alyp jumys júrgizip jatqan kásipkerlik sýbektileriniń mańaıynan jer bólý kezinde qaýipsizdik talaptary saqtalmaıtynyn anyqtady.
Basqarma basshysy Ádiljan Dabylov sonyń kesirinen bolǵan keleńsizdikterdi sanamalap berdi.
— Mysaly, 14 naýryz kúni Qyzylorda qalasyndaǵy janarmaı quıý stansasynyń janynda jeńil kólik órtenip, bir adamdy kúıik shaldy. Tekserý barysynda anyqtalǵany, sol mańdaǵy avtogaz quıý stansalary tekstıl ónimderin satýmen aınalysatyn saýda úıi salynbaı turyp qujat rásimdegen. Saýda úıi keıin ǵana paıdalanýǵa berilgen. Mundaı jaǵdaılar Shıeli aýdanynda da tirkeldi. Aýdan ortalyǵyndaǵy stansanyń janar-jaǵarmaı saqtaıtyn 10 tonnalyq 2 rezervýary janyp, sonyń saldarynan jaqyn mańdaǵy kásipkerlik nysanyna zaqym keldi, — dedi ol.
2023-2025 jyldar aralyǵynda qala ákimdigimen birlesip júrgizilgen profılaktıkalyq túsindirý jumysy nátıjesinde oblys ortalyǵyndaǵy ónerkásiptik qaýipsizdik talaptaryna saı kelmeıtin 12 stansa alyndy. Taǵy 3-i ornynan alynbaq.
Jaqynda biz Aqtóbede T-Gaz gaz quıý beketinde kólik órtenip ketkenin jazǵanbyz.