Qyzylordadaǵy qaıǵyly jol apaty: polıtsııa kúdiktiniń aty-jónin jarııalady
QYZYLORDA. KAZINFORM — Qyzylorda qalalyq polıtsııa basqarmasynyń krımınaldyq polıtsııa bólimi kóshede balaly áıeldi qaǵyp ketip, sábı ólimine sebep bolýy múmkin kúdiktige izdeý jarııalady.
Kúdikti — 2000 jyly týǵan Alekseı Velıkov ekeni anyqtaldy.
— Qazaqstan Respýblıkasy Qylmystyq kodeksiniń 345-babynyń 3-bóligimen qylmys jasady degen kúdikpen anyqtaý bóliminen boı tasalap júrgen azamat izdestirilip jatyr. Bas sharasy — kúzetpen ustaý. Joǵaryda kórsetilgen azamat týraly qandaı da bir aqparat bilgen adamnan Qyzylorda qalasy polıtsııa basqarmasyna habarlaýdy suraımyz. Baılanys telefondary: 8 (7242) 27-77-01, 27-64-71, 29-75-07, 27-42-06, 29-75-69, 27-45-47. Mekenjaıy: Qyzylorda qalasy, Tóle bı kóshesi, № 112, — delingen habarlamada.
Eske salaıyq, oqıǵa 13 qazanda keshki saǵat bestiń shamasynda qaladaǵy Qultekenov kóshesinde bolǵan.
Al Qyzylordadaǵy zań kompanııasy adam ólimine ákep soqqan jol-kólik oqıǵasy boıynsha kúdiktini tabýǵa kómektesken adamǵa qarjylaı syıaqy taǵaıyndady.
