Qyzylordadaǵy káriz sýy jınalatyn stantsııa turǵyn úılerge tym jaqyn ornalasqan

QYZYLORDA. KAZINFORM – Qyzylorda oblysyna jumys saparymen kelgen Parlament Májilisiniń depýtaty, «AMANAT» partııasy depýtattyq fraktsııasynyń múshesi Murat Ergeshbaev búgin Qyzylorda qalasynyń Tasbóget kentinde ornalasqan modýldi bıologııalyq tazartý stantsııasyna bardy.

Partııa fılıalynyń baspasóz qyzmeti habarlaǵandaı, stantsııa 43,5 myńnan astam adamǵa qyzmet kórsetedi. Táýligine 6,4 myń m³ káriz sýyn qabyldaıdy. Atalǵan nysan 2013 jyly paıdalanýǵa berilgen, búginde tozý deńgeıi 20%-ǵa jetti.

– Májilis depýtaty sanıtarlyq normalardyń saqtalýyna mán berdi. Talapqa sáıkes tazartý nysany turǵyn aımaqtan keminde 500 metr qashyqtyqta ornalasýy qajet. Alaıda turǵyn úıler 180 metrge deıin jaqyn ornalasqan. Bul da ózekti máselelerdiń birine aınalyp otyr. Jaǵymsyz ıistiń taralýyn boldyrmaý maqsatynda Tıtov shaǵyn aýdanyna deıingi aralyqta 23 shaqyrym káriz kollektoryn salý kózdelgen. Bul jelige Belkól kenti men Báıterek shaǵyn aýdandarynyń káriz sýy qosylady, – delingen habarlamada.

Jalpy quny 6,2 mlrd teńge bolatyn joba 2025-2026 jyldary júzege asyrylady. Ol iske qosylsa, Tasbógettegi stantsııa jumysyn toqtatyp, barlyq káriz sýy Qyzyljarma aýyldyq okrýgindegi qýattylyǵy 70 myń tekshe metr bıologııalyq tazartý stantsııasyna jınalady.

Buǵan deıin habarlaǵanymyzdaı, Májilis depýtattary, «AMANAT» partııasy fraktsııasynyń músheleri Murat Ábenov, Marhabat Jaıymbetov jáne Murat Ergeshbaev jumys sapary kezinde Qyzylordada UEFA standartyna saı salynyp jatqan stadıon qurylysymen tanysqan bolatyn.