Qyzylordadaǵy kafede órt shyǵyp, eki jumysshy kúıip qaldy
QYZYLORDA. KAZINFORM — Qyzylorda qalasynyń Abaı dańǵylynda ornalasqan dámhanalardyń birinde tótenshe oqıǵa tirkeldi.
Oblystyq tótenshe jaǵdaılar departamentiniń málimetinshe, 5 qarashada 15:55-te 101 baılanys jelisine «Kımchı» kafesinde órt shyǵyp jatqany týraly habarlama túsken.
— Departamenttiń kúsh-quraldary oqıǵa ornyna jetip, Abaı dańǵyly № 1 mekenjaıda ornalasqan «Kımchı» kafesinde gaz-aýa qospasynyń jylystanýy saldarynan órt oqıǵasy bolǵany anyqtady. Órt oshaǵynan eki gaz ballony shyǵaryldy. Órttiń saldarynan kafeniń eki jumysshysy túrli dene jaraqattarymen aýrýhanaǵa jetkizilgen, — delingen habarlamada.
Mamandar órttiń shyǵý sebebin zerttep jatyr.
Eske salaıyq, jyl basynan beri oblystaǵy órttiń basym bóligi turǵyn sektory (233) men avtokólikterde (111) tirkeldi.
