Qyzylordadaǵy aýrýhanada múmkindigi shekteýli adamdardyń quqyǵy buzylǵan
QYZYLORDA. KAZINFORM – Qyzylordadaǵy aýrýhanalardyń birinde múmkindigi shekteýli jandardy joǵarǵy qabatta qabyldap kelgen.
Qalalyq temirjol aýrýhanasyndaǵy keleńsizdikterdi qala turǵyny quzyrly orynǵa shaǵymynda jaıyp saldy. Birinshiden, lıft standartqa sáıkes kelmeıdi. Qala berdi, ol ekinshi qabatqa toqtamaıdy. Úshinshiden, jeke qabyldaý joǵarǵy qabatta ótedi, al oǵan minip-túsý kembaǵal jandar úshin qıyn.
— Aýrýhanaǵa uıǵarym berildi, sondaı-aq talapty buzǵany úshin 738 myń teńge kóleminde aıyppul salyndy. Sonymen qatar múmkindigi shekteýli azamattardy birinshi qabatta arnaıy jabdyqtalǵan bólmede qabyldaý máselesi sheshildi, - dedi adam quqyqtary jónindegi ýákildiń oblys boıynsha ókili Berikbol Baıqojaev.
Buǵan deıin biz elimizde múmkindigi shekteýli jandardyń bilim alýyna, jumysqa ornalasýyna memlekettik qoldaý jumystary turaqty júrgiziletinin aıtqan bolatynbyz.