Qyzylordadaǵy aýyl mańynan esirtki alqaby tabyldy
QYZYLORDA. KAZINFORM — Aýqymdy esirtki alqaby Qyzylorda oblysy Syrdarııa aýdany Besaryq aýylynyń mańynda bolǵan. Ony polıtsııa qyzmetkerleri men Ulttyq Ulannyń «Búrkit» arnaıy jasaǵy «Qarasora-2025» jedel-profılaktıkalyq is-sharasy barysynda anyqtady.
Oblystyq polıtsııa departamentiniń málimdeýinshe, tekserý kezinde salmaǵy 58 kılogrammǵa jýyq 1156 túp esirtki tárkilendi. Budan bólek, tártip saqshylary oqıǵa ornynda jalpy salmaǵy 1 kılogramm 610 gramm keptirilgen marıhýana tapty. Qylmysqa qatysy bar degen kúdikpen 42 jáne 33 jastaǵy oblys turǵyndary ustalyp, qamaýǵa alyndy. Sotqa deıingi tergep-tekserý áreketi júrip jatyr.
Eske salsaq, Іshki ister mınıstrliginiń tapsyrmasyna sáıkes departamenttiń esirtki qylmysyna qarsy is-qımyl basqarmasynyń qyzmetkerleri zańsyz esirtki ósirý derekterin anyqtaýǵa jumyldyryldy.
— «Qarasora-2025» jedel-profılaktıkalyq is-sharasy bastalǵan maýsym aıynan beri 172 quqyq buzý deregi anyqtaldy. 959 kılogramm esirtki tárkilenip, 5 fıtozerthana anyqtaldy. Esirtki ósirýmen aınalysqan 36 adam ustaldy, — delingen habarlamada.
Aıta keteıik, respýblıka kóleminde qolǵa alynǵan is-shara 31 qazanǵa deıin jalǵasady.