Qyzylordadaǵy áleýmettik nysandar múgedektigi bar jandar úshin yńǵaıly ma
QYZYLORDA. KAZINFORM — Qyzylorda oblysynda múmkindigi shekteýli jandardyń sany 34 myńnan joǵary. Ótken jyly olardy ońaltý baǵdarlamasyn oryndaýǵa bıýdjetten 7,9 mlrd teńge bólindi.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, 36 779 adam tehnıkalyq ońaltý quraldarymen, qyzmetpen qamtyldy.
— 2023-2027 jyldary 1 830 áleýmettik ınfraqurylym obektisin kembaǵal jandarǵa beıimdeý josparlanǵan. Byltyr mádenıet, densaýlyq saqtaý, bilim berý, transport, jeke sektor, áleýmettik jáne sport salalary boıynsha 360 obektide jumys júrgizildi. Óńirde 67 avtokólik ınvataksı qyzmetimen aınalysady. Onyń 12-si kreslo-arbamen júretinderge yńǵaıly. 268,9 mln teńge bıýdjet qarjysy esebinen 2 myńǵa jýyq adam ınvataksı qyzmetin paıdalandy, — delingen habarlamada.
2024 jyly Qyzylorda jáne Baıqońyr qalalaryna, ótken jyly oblystyq múgedekter qoǵamyna osyndaı kólikter syıǵa tartyldy.
2024 jyldan beri múgedektigi bar barlyq sanattaǵy adamdarǵa Respýblıka kúnine oraı 3 aılyq eseptik kórsetkish mólsherinde bir rettik áleýmettik kómek berilip kele jatyr.
Aıta keteıik, basqarma 2023-2025 jyldary Qyzylorda oblysynda sýbsıdııalanatyn jumys oryndaryn uıymdastyrǵan 5111 mekeme men uıymdarǵa monıtorıng júrgizip, nátıjesin jarııalady.
