Qyzylordadaǵy AITV-ınfektsııasyn juqtyrý oqıǵasynan keıin buıryqqa ózgeris engiziledi

ASTANA. KAZINFORM – Densaýlyq saqtaý mınıstri Aqmaral Álnazarova Qyzylorda qalasynda perzenthanada qan quıylǵan áıelden kezekti tekserý kezinde AITV-ınfektsııasy anyqtalǵan jaǵdaıǵa qatysty túsinik berdi.

- Oqıǵa perınataldyq ortalyqta boldy jáne ol boıynsha barlyq respýblıkalyq ortalyqtar tarapynan tıisti tekserýler júrgizildi. Anyqtalǵandaı, ınfektsııa juqtyrý kózi bolǵan patsıent qan tapsyrǵan kezde «sur-teris tereze» kezeńinde bolǵan, ıaǵnı ol vırýs juqtyrǵan, biraq qan taldaýy ony kórsetpegen, - dedi Aqmaral Álnazarova Májilis qabyrǵasynda ótken baspasóz máslıhatynda.

Sondaı-aq mınıstr atalǵan jaǵdaıda medıtsınalyq kómekti kórsetý standarttary tikeleı buzylmaǵanyn aıtyp otyr.

- Bul jaǵdaıdan tıisti qorytyndy shyǵardyq, buıryqtarǵa ózgerister engizip jatyrmyz. Biraq, medıtsınalyq kómek kórsetý barysynda qandaı da bir standarttyń qasaqana buzylý jaǵdaıy bolǵan joq, — dedi ol.

Bul jaǵdaıǵa kim jaýapty bolady degen saýalǵa vedomstvo basshysy álemdik tájirıbede ınkýbatsııalyq kezeńde AITV-ınfektsııasy klınıkalyq, aspaptyq nemese zerthanalyq ádistermen anyqtalmaıtyn jaǵdaıdyń baryn aıtty.

- Patsıent «sur-teris tereze» kezeńde qan tapsyrǵan. Sonyń saldarynan tıisti protsedýralar barysynda juqtyrý jaǵdaıy boldy. Qazir patsıent tolyqtaı bıýdjet esebinen tıisti em qabyldap jatyr, baqylaýda, al balasynyń barlyq taldaý nátıjeleri teris shyqty, ol da baqylaýda. Ókinishke qaraı, mundaı kazýıstıkalyq jaǵdaı álemde kezdesedi, - dep túıindedi Aqmaral Álnazarova.

Eske sala keteıik, bıyl aqpanda Qyzylorda qalasynda perzenthanada qan quıylǵan áıelden kezekti tekserý kezinde AITV-ınfektsııasy anyqtalǵan.