Qyzylordadaǵy adam kóp jınalatyn 27 nysan talapqa múldem saı kelmeıdi

QYZYLORDA. KAZINFORM — Qyzylorda oblysy boıynsha terrorıstik turǵydan osal 82 nysan jergilikti polıtsııanyń baqylaýynda. Polıtsııa terrorızmge qarsy qorǵaý sharalaryn qamtamasyz etedi.

— Bul — adamdar kóp jınalatyn, asa mańyzdy memlekettik, strategııalyq, qaýipti óndiristik obektiler. Kópshiligi — bilim berý, densaýlyq saqtaý, mádenıet jáne sport sııaqty adam kóp jınalatyn oryndar. Terrorıstik turǵydan osal obektilerdi tekserý kezinde polıtsııa qyzmetkerleri onyń tehnıkalyq turǵyda nyǵaıtylýyn, sondaı-aq personaldyń terrorıstik sıpattaǵy qaýip-qaterlerge den qoıý jónindegi bilimi men daǵdylaryn tekseredi, — delingen oblystyq polıtsııa departamentiniń habarlamasynda. 

Jyl basynan bergi tekserý nátıjesinde 27 nysannyń talapqa múldem sáıkes kelmeıtini anyqtaldy. Osyǵan baılanysty Ákimshilik quqyqbuzýshylyq týraly kodekstiń 149-baby boıynsha ákimshilik hattama rásimdeldi. Departament ókilderi 36 obektige kemshilikterdi joıý týraly nusqama berdi. Qalǵan 46 nysan talapqa saı keletin bolyp shyqty. 

Qyzylorda oblystyq polıtsııa departamenti nysan basshylaryna terrorızmge qarsy is-qımyl salasyndaǵy tekserý nysandar talapqa tolyq sáıkestendirilgenge deıin júrgiziletinin eskertedi. 

Aıta keteıik, 14 sáýirde «Nursultan Nazarbaev» atyndaǵy Astana áýejaıynda UQK terrorızmge qarsy ortalyǵy «Naıza — terrorızmge qarsy-2025» atty terrorızmge qarsy oqý is-sharasyn ótkizdi.