Qyzylordadaǵy 6 mektepke adam tárizdi robottar alyndy
QYZYLORDA. KAZINFORM – Búgingi kúni Qyzylorda oblysyndaǵy 35 mektepte 61 dron bar.
Oblystyq bilim basqarmasynyń málimetine súıensek, mınıstrliktiktiń eldegi 110 mektepte oqýshylardy drondy basqarýǵa úıretý týraly tapsyrmasyna sáıkes taǵy 20 mektepke dron satyp alynady.
- Bilim berý salasyn tsıfrlandyrý jáne ınteraktıvti tehnologııalardy oqý protsesine engizý baǵytynda jumys atqarylyp jatyr. Búginde 6 IT mektep-lıtseıge jasandy ıntellekt elementterin tereńirek meńgertý úshin adam tárizdi robottar alyndy. Ótken jyly balalar qaýipsizdigin qamtamasyz etý baǵytynda 64 bilim berý uıymynyń beınebaqylaý júıesi talapqa sáıkestendirildi, - dedi basqarma basshysy Asqarbek Esjanov.
Aımaqtaǵy bilim oshaqtaryna 484 ınteraktıvti panel alynyp, 14 mektep LED-ekrandarmen jabdyqtaldy. Bastaýysh synyp oqýshylary men erekshe qajettiligi bar balalar úshin
17 ınteraktıvti logopedti qurylǵy ornatyldy.
Buǵan deıin biz bıyl «Jaıly mektep» jobasy aıasynda elimizde 112 mektep paıdalanýǵa beriletinin jazǵanbyz.
