Qyzylordadaǵy 3 tarıhı-mádenı nysan ıÝNESKO tizimine enýi múmkin
QYZYLORDA. KAZINFORM — Qyzylorda oblysyndaǵy ejelgi Syǵanaq, Jankent qalashyqtary men Jetiasar mádenıetiniń eskertkishterin ıÝNESKO-nyń negizgi tizimine engizý usynyldy.
Bul baǵyttaǵy jumysty Mádenıet jáne aqparat mınıstrligi «Jibek joly: Ferǵana-Syrdarııa dálizi» serııalyq transulttyq nomınatsııasy aıasynda atqaryp jatyr.
Atalǵan nomınatsııa boıynsha úmitkerler tiziminde Orta Azııadan Qazaqstan, Qyrǵyzstan, Tájikstan, Ózbekstan memleketteriniń tarıhı-mádenı mura obektileri bar.
— Tarıhı-mádenı oryndardyń ıÝNESKO dúnıejúzilik muralar tizimine enýi óńirdiń týrıstik ımıdjin arttyrýǵa múmkindik beredi. Sondaı-aq obektilerdiń halyqaralyq dárejede qorǵalýy men nasıhattalýyn qamtamasyz etetin sharalar júzege asyrylady. Osy baǵyttaǵy monıtorıngtik top 2023-2024 jyldary Qyzylorda oblysynda bolyp, ortaǵasyrlyq Jankent, Syǵanaq qalashyqtarynyń, Jetiasar oazısi eskertkishteriniń daıyndyǵymen, jaı-kúıimen tanysty, — dedi Qyzylorda oblystyq tarıhı-mádenı murany qorǵaý ortalyǵynyń bólim meńgerýshisi Ǵalymjan Sadyqov.
Búgingi kúni oblystyq bıýdjet esebinen olardyń qorǵaý aımaǵy belgilenip, Syǵanaq, Jankent qalashyqtary tolyǵymen qorshaldy. Eskertkishterdiń tarıhı kezeńderin beıneleıtin stellalar boı kóterdi.
— Jyl saıyn oblystyq bıýdjet esebinen ejelgi Bábish mola jáne ortaǵasyrlyq Jankent, Syǵanaq qalashyqtarynda keshendi túrde arheologııalyq qazba jumystary júrgizilip keledi. Al Jetiasar mádenıetiniń eskertkishteri Ǵylym jáne joǵary bilim mınıstrliginiń granttyq qarjylandyrýy arqyly zertteldi. Qalashyqtarda ashylǵan mańyzdy nysandar konservatsııalanyp, týrıster úshin qalashyqtardyń ejelgi qalpyn kórýge múmkindik jasaldy, — dedi Ǵalymjan Sadyqov.
Jyl basynda biz Qyzylorda oblysy aýmaǵynda jatqan Kesken-Kúıik qalashyǵy ıÝNESKO Búkilálemdik mura tizimine engizilýi múmkin ekenin jazǵanbyz.