Qyzylordadaǵy 165 mektep ashanasynda sanıtarııalyq talaptar saqtalmaǵan
QYZYLORDA. KAZINFORM – Qyzylorda oblysyndaǵy bilim berý uıymdarynyń jańa oqý jylyna daıyndyǵy, onyń ishinde 279 mektep ashanasyna monıtorıng júrgizildi.
Oblystyq Sanıtarııalyq-epıdemıologııalyq baqylaý departamenti onyń 165-inde talaptyń buzylǵanyn anyqtady.
- Atap aıtqanda, sanıtarııalyq-epıdemıologııalyq qorytyndynyń bolmaýy, jeldetý júıesiniń isten shyǵýy, jabdyqtar ústinde jylý men ylǵal bóletin sorý jeldetkishiniń ornatylmaýy, jóndeý jumysynyń aıaqtalmaýy, asúı jabdyqtary men ydystarynyń jetkiliksiz bolýy, tehnologııalyq-tońazytqysh jabdyqtarynyń ishinara isten shyǵýy sııaqty kemshilikter kezdesti. Ashanany jalǵa alýshy jeke kásipkerlerge zańbuzýshylyqty joıý týraly nusqamalar berildi. 27-siniń qyzmetine tyıym salý túrindegi jedel den qoıý is-sharalary qoldanyldy, - dedi departament basshysy Gúlmıra Syzdyqova.
Talaptyń oryndalýy boıynsha 20 mekteptiń ashanasyna jospardan tys tekserý júrgizilip, 3 nusqamanyń oryndalmaýyna baılanysty QR ÁQBtK-niń 462-babynyń 3-bóligimen jaýapty tulǵalarǵa hattama toltyrylyp, ákimshilik sotqa joldandy.
Búgingi kúni 18 ashanany jalǵa alýshylar sanıtarııalyq-epıdemıologııalyq qorytyndy aldy. Qalǵany da osylaı qam-qareket jasap jatyr.
Buǵan deıin Túrkistan oblysyndaǵy bilim berý uıymdarynyń jańa oqý jylyna sanıtarııalyq daıyndyǵy týraly jazǵan edik.
