Qyzylordada jumysshylarǵa 24,3 mln teńge jalaqy qaryzy tólendi
QYZYLORDA. KAZINFORM – Bıyl 7 aıda Qyzylorda oblysynda memlekettik eńbek ınspektorlary 3 kásiporynnyń 153 adamǵa 24,3 mln teńge jalaqy qaryzy baryn anyqtady.
Memlekettik eńbek ınspektsııasy komıteti Qyzylorda oblysy boıynsha departamentiniń málimetine súıensek, ol tolyq tólenip, jumys berýshilerge 511,1 myń teńge ákimshilik aıyppul salyndy.
– Bir ǵana «Progress City Stroy» kásipornynda 3 jumysshy jalpy somasy 2,3 mln teńge kólemindegi jalaqysyn ala almaı kelgen. Memlekettik eńbek ınspektory jospardan tys tekserý júrgizip, seriktestikke ákimshilik aıyppul salyp, óndirdi. Nusqamanyń oryndalmaýyna baılanysty qalalyq mamandandyrylǵan ákimshilik sot qaýlysymen ákimshilik kodekstiń 462-babynyń 3-tarmaǵyna sáıkes 516 myń teńgeden astam aıyppul salyndy, - dedi departament basshysy Bektemir Jumaǵulov.
A.Knaýts esimdi jumysshy da qordalanǵan jalaqy bereshegin daýlap, qalalyq sotqa talap aryz bergen. Sot tártibimen ony óndirý jumysy júrip jatyr.
Buǵan deıin Aqmola oblysynda jumyskerlerge 178 mln teńge kóleminde jalaqy tólendi.