Qyzylordada jumys istep turǵan kásipkerlik sýbektileri 11,2%-ǵa azaıdy
QYZYLORDA. KAZINFORM — 2026 jylǵy 1 qazanǵa deıin oblysta 11609 zańdy tulǵa tirkeldi.
QR Strategııalyq josparlaý jáne reformalar agenttigi Ulttyq statıstıka bıýrosynyń Qyzylorda oblysy boıynsha departamenti habarlaǵandaı, onyń 10514-i jumys istep tur.
— Shaǵyn jáne orta kásipkerlik sýbektileriniń sany 60827 birlikti qurady. Jumys istep turǵan sýbektiler sany 58977 bolyp, 11,2%-ǵa azaıǵany baıqalady, — dedi departament basshysy Qaırat Ábsultanov.
Ulttyq statıstıka bıýrosynyń derekterinde kórsetilgendeı, Qyzylorda oblysynda 2026 jyldyń II toqsanynda bir qyzmetkerdiń ortasha aılyq ataýly jalaqysy 418 672 teńgege jetti. Atalǵan kórsetkish óńirdegi eńbek naryǵy men halyqtyń tabys deńgeıin sıpattaıdy.
Eske salaıyq, Prezıdent Joldaýynda aıtylǵandaı, 2027 jyldyń 1 qańtarynan bastap eń tómengi jalaqy 85 myńnan 110 myń teńgege kóteriledi.
