Qyzylordada júk kóliginiń tirkemesi polıtsııanyń qyzmettik avtokóliginiń ústine qulady
QYZYLORDA. KAZINFORM - Bul týraly Qyzylorda oblystyq polıtsııa departamentiniń baspasóz qyzmeti habarlady.
Oqıǵa 7 qańtarda «Samara-Shymkent» tas jolynyń Qyzylorda qalasyna qarasty Taldyaral eldi mekeniniń tusynda bolǵan. Sol aýmaqta Qyzylorda oblystyq polıtsııa departamenti patrýldik polıtsııa rotasynyń eki qyzmetkeri jumysyn atqaryp júrgen bolatyn.
- Olar bekitilgen aımaǵynda eki avtokóliktiń soqtyǵysýmen bolǵan jol-kólik oqıǵasyn rásimdep, avtokólikke otyrǵan cátte «MAN» júk kóliginiń júrgizýshisi basqarý júıesine ıe bola almaı qarsy baǵytta kele jatqan «GAZel» evakýatoryn jáne «Leksýs» kóligin soqqan. Al júk kóliginiń artyndaǵy tirkemesi polıtsııanyń qyzmettik avtokóliginiń ústine qulaǵan. Kóliktiń júrgizýshisi, jolaýshysy, eki polıtsııa qyzmetkeri túrli dene jaraqatymen aýrýhanaǵa jatqyzyldy. Bul is boıynsha sotqa deıingi tergep-tekserý áreketteri júrgizilýde. Onyń nátıjesi boıynsha protsestik sheshim qabyldanady, - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada avtobýsqa soǵylǵan jeńil kóliktegi eki adam qaza boldy.