Qyzylordada júk kóligi qaqqan áıel oqıǵa ornynda kóz jumdy

Qyzylorda qalasynda belgilenbegen jerden ótken jaıaý júrginshini júk kóligi qaǵyp ketti. Ol oqıǵa ornynda qaza tapty, dep habarlaıdy Kazinform. 

Qyzylorda qalasyna qarasty J.Mahambetov aýylynyń tusynda «Samara-Shymkent» avtomagıstraldy tas jolynda 6 qazanda saǵat 18:30 shamasynda 32 jastaǵy azamatsha belgilenbegen jerdi kesip ótpek bolǵan.

«Jaıaý júrginshini «SCANIA» júk avtokóligi qaǵyp, saldarynan 32 jastaǵy azamatsha oqıǵa ornynda kóz jumdy. Osy derek boıynsha QR Qylmystyq kodeksiniń 345-babynyń 3-bóligimen sotqa deıingi tergep-tekserý áreketteri júrgizilip jatyr. Tıisti sot saraptamalary taǵaıyndaldy. Oqıǵanyń mán-jaıy anyqtalyp jatyr», - dep málim etti Qyzylorda oblystyq polıtsııa departamentinen.

Polıtseıler júrgizýshilerge de, jaıaý júrginshilerge de jolda barynsha saq bolýdy eskertedi.

Eske salsaq, budan buryn Qyzylordada qarjy pıramıdasyn uıymdastyrǵan áıel ustaldy.