Qyzylordada JRVI juqtyrǵandardyń 61%-y – balalar

QYZYLORDA. KAZINFORM – Qyzylorda oblysynda bıyl epıdmaýsym bastalǵaly jiti respıratorlyq vırýsty ınfektsııanyń 11 606 jaǵdaıy tirkeldi. Bul ótken jyldyń osy kezeńindegiden 12% az.

Oblystyq sanıtarııalyq-epıdemıologııalyq baqylaý departamentinen habarlaǵandaı, aýrýǵa shaldyqqandardyń 61%-y – 14 jasqa deıingi balalar, 1,6%-y – júkti áıelder. Naýqastardyń 5%-y aýrýhanaǵa jatyp, em aldy.

- 239 naýqastyń synamasy PTsR ádisimen tekserilip, nátıjesinde onyń 35-i A tıpti tumaý ekeni anyqtaldy. 202 synama zertteý júrgizý barysynda tumaý sanatyna jatpaıtyn 7 vırýs anyqtaldy, onyń 1-i – adenovırýs, 6-y – rınovırýs. 2025-2026 jyldardaǵy epıdmaýsymǵa 85 006 doza vaktsına satyp alyndy. Búgingi kúni 84 myńǵa jýyq tıisti konıtıngentke tumaýǵa qarsy vaktsına salyndy. Sonyń 23,5 myńǵa jýyǵy – balalar, - dedi departament basshysynyń orynbasary Álııa Ábdiqaıymova.

Jańa epıdmaýsymda jalpy oblys turǵyndarynyń 9,9%-y ımmýndaýdan ótti.

Eske salsaq, Batys Qazaqstan oblysynda jiti respıratorlyq vırýstyq ınfektsııalar (JRVI) jáne tumaýmen syrqattanýshylyqqa baılanysty jańa 2025-2026 jylǵy epıdemıologııalyq maýsym bıylǵy 1 qazannan bastalǵanyn jazǵanbyz.