Qyzylordada jol-kólik oqıǵasynda jasóspirimniń ólimine sebep bolǵan júrgizýshi sottaldy

QYZYLORDA. KAZINFORM - Qyzylorda oblysynda alkogoldik mas kúıde jol-kólik apatyn jasap, oqıǵa ornynan qashyp ketken júrgizýshi sottaldy. Oqıǵa barysynda bir jasóspirim kóz jumdy.

Shıeli aýdandyq sotynda oǵan qatysty qylmystyq is qaraldy.

Alkogoldik mas kúıde bolǵan júrgizýshi óziniń basqarýyndaǵy kólik quralymen «Shymkent-Samara» tas joly boıynda jábirlenýshiniń basqarýyndaǵy kólikke jol bermegen. Saldarynan jol-kólik oqıǵasyn jasaǵan. Sodan keıin oqıǵa bolǵan jerden ketip qalǵan.

«Oqıǵa barysynda ekinshi avtokólikte kele jatqan jasóspirim bas tusynan aýyr jaraqat alyp, Shıeli aýdandyq

aýrýhanasynyń qabyldaý bóliminde qaıtys bolǵan. Medıtsınalyq kýálandyrý qorytyndysyna sáıkes, sottalýshy alkogolge jeńil dárejede mas bolǵan. Sot úkimimen ol QR Kylmystyq Kodeksiniń 345-1-baby 3-bóligi jáne 347-babymen kináli dep tanyldy. Atalǵan Kodekstiń 58-baby 2-bóligi qoldanylyp, ol kólik quralyn júrgizý quqyǵynan 10 jyl merzimge aıyryldy. Oǵan túpkilikti 2 jyl 6 aı merzimge bas bostandyǵynan aıyrý jazasy taǵaıyndaldy», - dep málim etti Shıeli aýdandyq sotynan.

Eske salsaq, budan buryn Qyzylordada «Ýaz» kóligi jolaýshylar avtobýsyna soǵyldy.