Qyzylordada jol erejesin óreskel buzǵan toı korteji sapyndaǵy 10 kólik aıyp turaǵyna qoıyldy
QYZYLORDA. KAZINFORM – Qyzylordada jol qozǵalysy erejelerin óreskel buzǵantoı korteji sapyndaǵy avtokólikter oblystyq polıtsııa departamentiniń jedel basqarý ortalyǵyndaǵy beınekameralardyń nysanasyna ilikti.
Aqparat patrýldik polıtsııa ekıpajdaryna jedel berildi.
- Nátıjesinde kortejge qatysqan kólik quraldarynyń barlyq júrgizýshisi toqtatylyp, polıtsııaǵa jetkizildi.12 quqyq buzýshyǵa qatysty 33 ákimshilik hattama rásimdelip, aıyppul salyndy. 10 avtokólik arnaıy turaqqa qoıyldy.Tekserý barysynda qarsy baǵytqa shyǵý, qaýipti manevr jasaý, avarııalyq jaǵdaı týǵyzý, telefon paıdalaný, qaýipsizdik beldigin taqpaý jáne basqa da jol erejesin buzý faktileri anyqtaldy, - delingen habarlamada.
Buǵan deıin Qyzylorda oblysynyń Aral aýdanyndapolıtsııa qyzmetkerleri patrýldeý barysynda 6 jastaǵy balanyń kóshede túngi ýaqytta «Toyota Land Cruiser» markaly avtokólikti basqarǵanyn anyqtady.
