Qyzylordada jol apatynan bir adam qaza taýyp, eki adam jaraqat aldy

QYZYLORDA. KAZINFORM — Qyzylorda oblysynda jol-kólik oqıǵasynan bir adam qaza taýyp, eki adam jaraqat aldy.

Oqıǵa Shıeli aýdanyna qarasty Maılytoǵaı aýyly tusyndaǵy «Samara-Shymkent» tas jolynyń boıynda bolǵan. «Toyota Alphard» avtokóligi jol boıynda sıyr malyna soqqan. 

«Jol-kólik oqıǵasynan bir adam qaza taýyp, eki adam jaraqat aldy. Atalǵan derek boıynsha QR Qylmystyq kodeksiniń 345-babynyń 3-bóligimen​ sotqa deıingi tergep-tekserý áreketteri júrgizilýde. Tıisti saraptamalar taǵaıyndaldy. Oqıǵanyń mán-jaıy anyqtalýda», — dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylorda oblysynda kóshe boıynda turǵan jeńil kólik tolyǵymen órtenip ketti.