Qyzylordada joq kólikterdi satqan 27 jastaǵy áıel qolǵa tústi

Qyzylorda oblysynda ınternet arqyly jalǵan jarnama jasap, joq kólikterdi satqan 27 jastaǵy azamatsha qolǵa tústi, dep habarlaıdy Kazinform.

Qyzylorda oblysy aýmaǵynda «Hi-tech» jedel profılaktıkalyq is-sharasy ótti. Joǵary tehnologııalar salasyndaǵy qylmystardy ashýdyń aldyn alýǵa baǵyttalǵan shara barysynda polıtseıler alaıaqtyq jasaǵan qala turǵynyn ustady.

«Buryn da sotty bolǵan 27 jastaǵy azamatsha ınternet jelisindegi avtokólik satatyn jarnama saıtyna jalǵan habarlandyrý jarııalaǵan. Kólikti satyp alýǵa qyzyǵýshylyq tanytqan turǵyndardan jarnamany alyp tastaý úshin aldyn ala qarajat jiberýin suraǵan. Osylaısha ońaı oljany kózdegen áıel joq kólikterdi satqan. Qazir kúdikti azamatshanyń basqa da qylmystarǵa qatystylyǵy tekserilýde», - dep málim etti Qyzylorda oblystyq polıtsııa departamentinen.

Vedomstvo málimetinşe, atalǵan derek boıynsha QR Qylmystyq kodeksiniń 190-babynyń 2-bóligimen (Alaıaqtyq) sotqa deıingi tergep-tekserý áreketteri júrgizilýde. Kúdikti azamatsha qamaýǵa alynǵan.

Eske salsaq, bıyl Qyzylorda oblysynda zańsyz aınalymnan 122 qarý tárkilendi.