Qyzylordada jylý maýsymynda 55 órt tirkeldi
QYZYLORDA. KAZINFORM — Qyzylorda oblysynda ótken jyly 471 órt oqıǵasy tirkeldi. Bul aldyńǵy jylǵa qaraǵanda 5%-ǵa kóp.
Oblystyq tótenshe jaǵdaılar departamentinen habarlaǵandaı, tilsiz jaý 6 adamnyń ómirin qıǵan. 10 adam túrli dene jaraqatyn alǵan.
— Jylý berý maýsymy bastalǵaly turǵyn úı sektorlarynda 55 órt oqıǵasy boldy, 1 adam kóz jumdy. 2024 jylmen salystyrǵanda 21,4%-ǵa azaıǵan. Gazdan ýlaný jaǵdaılary tirkelgen joq. Tilsiz jaý kóbine turǵyndardyń qaýipsizdik sharalaryna salǵyrt qaraýynan, ıaǵnı turmystyq peshterdiń tehnıkalyq jaǵdaıyna mán bermeýinen, elektr jelileriniń qysqasha tuıyqtalýynan paıda bolady, — dedi departamenttiń basqarma bastyǵy Beıbithan Spanov.
Qyzmetkerler turǵyndaǵa qaýipsizdikti saqtaýǵa keńes beredi. Bir jylda olar 95 myńnan astam turǵyn úı sektoryn aralap, 311 myńnan astam adamǵa profılaktıka jóninde aıtty.
— Áleýmettik osal toptaǵy 6 825 otbasynyń úıine jergilikti bıýdjet qarajaty esebinen tabıǵı gazdy anyqtaıtyn 484, kómirqyshqyl gazyn anyqtaıtyn 85 datchık ornatyldy. Turǵyndarǵa ony paıdalaný erejelerin túsindirdik, — dedi departament ókili.
Eske salsaq, keshe Shyǵys Qazaqstan oblysy Altaı aýdanynyń Solovevo aýylynda er adam órtenip jatqan úıden eki balany qutqardy.