Qyzylorda jylý elektr ortalyǵy tutynýshylardyń qarajatyn qaıtardy
QYZYLORDA. KAZINFORM — QR UEM Tabıǵı monopolııalardy retteý komıtetiniń Qyzylorda oblysy boıynsha departamenti syrtqy aýanyń naqty temperatýrasyn eskere otyryp, jylýmen jabdyqtaýshy mekemelerdiń qyzmet qunyn qaıta eseptedi. Bul týraly departamentten habarlady.
Tekserý barysynda jetkiliksiz jylý berý faktileri anyqtalǵan.
— Osyǵan baılanysty Qyzylorda jylý elektr ortalyǵy, osy kásiporynnyń «Qazaly-Temirjol jylý» fılıaly, «Temirjol sý-Qyzylorda» seriktestigi tutynýshylardyń qarajatyn qaıtardy. Bul rette turǵyndardyń shoty tólendi. Sondyqtan atalǵan uıymdar tólem somasyn azaıtýǵa mindetti, — delingen habarlamada.
Qosymsha qun salyǵymen qosqanda 24 mln teńgege jýyq qarjy qaıtarylady.
— Osy rette aıta ketýge tıispiz, esepteý quraly joq tutynýshylardyń tólemi qaıta esepteldi. Qarajatty qaıtarý 2025 jylǵy qazan aıyndaǵy túbirtek tólemin azaıtý arqyly júzege asyrylady, — dep málim etti departamentten.
Eske salsaq, bıyl Qyzylorda oblysyndaǵy jylýmen qamtý nysandaryn jańǵyrtý úshin 13,5 mlrd teńge bólindi.