Qyzylordada jyldamdyq rejımin 17 ret buzǵan júrgizýshi anyqtaldy

QYZYLORDA. KAZINFORM — Qyzylorda qalasynda «Qaýipsiz jol» jedel-profılaktıkalyq sharasy ótkizildi.

Shara barysynda jol qozǵalysy erejesin óreskel buzǵan júrgizýshi anyqtalyp, ákimshilik jaýapkershilikke tartyldy. 

— Qazir qala aýmaǵynda «Qorǵaý» jol qozǵalysyn baqylaý júıesi tıimdi jumys isteýde. Ol polıtsııa qyzmetkerleriniń kólikterdi izdestirý jumysyn jeńildetti. Quqyq buzýshylardy jedel ustaýǵa múmkindik beredi. Atalǵan júıeniń kómegimen qala aýmaǵynda jyldamdyq rejımin 17 márte buzǵan kólik júrgizýshisi anyqtaldy. Onyń ákimshilik aıyppuldardy tóleýden jaltaryp júrgeni belgili boldy. Júrgizýshi kólik quralyn tıisti qujatsyz basqarǵan. Osyǵan baılanysty QR Ákimshilik quqyq buzýshylyq týraly kodeksiniń 230-babynyń 2-bóligine sáıkes ákimshilik hattama toltyryldy. Kólik aıyp turaǵyna qoıyldy, — dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada sıyrdy jeńil kólikke tıegen urylar ustalǵanyn jazǵan edik.