Qyzylordada jyl basynan beri 118 ınternet alaıaqtyq deregi tirkeldi
QYZYLORDA. KAZINFORM - Jyl basynan beri Qyzylorda oblysynda ınternet-alaıaqtyqtyń 118 deregi boıynsha qylmystyq is tirkeldi.
Olar boıynsha sotqa deıingi tergep-tekserý amaldary júrgizilip, 41 qylmystyq iske qatysty túpkilikti sheshim qabyldandy. Bul — barlyq istiń 38%-y.
Oblysta ınternet alaıaqtyq qylmystaryn ashý maqsatynda kıberqylmysqa qarsy is-qımyl basqarmasy jumys isteıdi. Ol arnaıy aqparattyq tehnıkalarmen jabdyqtalǵan.
— Іshki ister organdaryna baqylaý jasaý quzyreti berilmegen. Qylmystyq quqyq buzý derekteri boıynsha aryz-shaǵym bolǵan jaǵdaıda qylmystyq is tirkelip, zań júzinde tıisti sheshim qabyldanady, — deıdi oblystyq polıtsııa departamenti kıberpol basqarmasynyń bastyǵy, polıtsııa maıory Baǵdat Tileýimbetov.
Polıtseıler óńirde ınternet alaıaqtyqtyń belgili bir túrleri jıilegenin aıtyp dabyl qaǵyp otyr.
Birinshi top uıaly baılanys operatory retinde tanystyryp, sım kartańyzdyń jaramdylyq merziminiń ótkenin eskertip, merzimin uzartý úshin uıaly telefonǵa jiberligen kodty surap alyp, jeke derekterge qol jetkizedi.
Ekinshi top ózderin bank qyzmetkeri retinde tanystyryp, atyńyzdan nesıe alyp jatqanyna nemese onlaın-bankti buzyp jatqanyna sendirip, aqshany arnaıy shotqa salýdy talap etedi.
Úshinshisi túrli áleýmettik jeliler men messendjerler aktsııaǵa ınvestıtsııa salýdan jyldam túsetin kiristi jarnamalaıdy.
Taǵy bir top Whatsapp áleýmettik jelisi arqyly jaqyn tanystaryńyzdyń fotosýretterin paıdalaný arqyly qaryzǵa aqsha suraıdy.
Sondaı-aq osy qosymshada paıyzdyq mólshermen ústemaqyny kóbeıtý sekildi sms habarlamalarǵa aldanyp, kórsetilgen esep-shottarǵa aqsha aýdarý, ınstagram, OLH jelileri arqyly turmystyq zattardy satý-jetkizý paraqshalaryn ashyp, aldyn ala aqshasyn tıisti esepshotqa aýdartý, kolesa.kz, krisha.kz sııaqty jarnamalyq saıttarǵa jalǵan jarnamalar ornalastyryp aqsha qarajattaryn aýdartyp alý jaǵdaılary jıilegen.
— Qazaqstannyń baılanys operatorlary alaıaqtyq maqsatpen shet elden qońyraý shalatyn nómirlerdi buǵattaıdy. Osy ýaqytqa deıin 50 mln-nan astam qońyraý buǵattalǵan, — deıdi polıtsııa ókili.
Buǵan deıin biz BQO-da ınternet-alaıaqtyq qylmysy 27,7 paıyzǵa óskenin jazǵanbyz.