Qyzylordada jeńil kólik pen avtobýs soqtyǵysyp, bir adam qaza boldy

QYZYLORDA. KAZINFORM - Qyzylorda qalasynda jeńil kólik qoǵamdyq avtobýspen soqtyǵysyp, oqıǵa ornynda bir adam qaza tapty.

Áleýmettik jelide jazylǵan málimet boıynsha, oqıǵa 27 maýsymda bolǵan. Qoǵamdyq avtobýs pen jeńil kólik soqtyǵysyp qalǵan. Oqıǵa ornynda jeńil kólik júrgizýshisi kóz jumǵan.

Bul jóninde Qyzylorda oblystyq Polıtsııa departamenti tómendegishe túsinikteme berdi.

«Atalǵan derek boıynsha tergeý áreketteri júrgizilýde. Tıisti saraptamalar taǵaıyndaldy.Oqıǵanyń mán-jaıy anyqtalýda», - dep málim etti departamentten.

Eske salsaq, budan buryn qyzylordalyq áıel máıithanadan 1 mln teńge moraldyq shyǵyn óndirip aldy.