Qyzylordada jelsheshek aýrýynyń 86,5%-yn balalar juqtyrǵan

QYZYLORDA. KAZINFORM – Ótken jyly Qyzylorda oblysynda jelsheshektiń 901 jaǵdaıy tirkelgen. Bul týraly oblystyq sanıtarlyq-epıdemıologııalyq qadaǵalaý departamentinen habarlady.

Aýrýdyń 86,5%-y 14 jasqa deıingi balalar arasynda anyqtalǵan. Degenmen, bul 2024 jylǵy kórsetkishpen salystyrǵanda 146 jaǵdaıǵa az. Aýa arqyly taralyp, qyzba, ortasha aıqyn ıntoksıkatsııa jáne bórtpemen sıpattalatyn jiti ınfektsııalyq vırýs balalarǵa jıi juǵatynyn mamandar da aıtyp otyr.

- Naýqastyń, aldymen, dene temperatýrasy 39-40 gradýsqa deıin kúrt kóterilip, basy aýyrady. Jelsheshektiń eń aıqyn belgisi – bórtpe jáne qyshyný. Jelsheshek bórtpesi tek teride jáne shyryshty qabattarda ǵana emes, bas terisinde de paıda bolady. Adam bórtpe shyqqasyn 10 kúnnen keıin ǵana jazyla bastaıdy. Eger dene qyzýy 39 gradýstan assa, bala ózin nashar sezinse, qandaı da bir ózgeristerdi baıqasa, dáriger kómegine júginýi qajet. Jelsheshek eresekterge qaraǵanda balalarda jeńil túrde ótedi. Keıde eresekter aýrýdyń asqynýynan zardap shegýi múmkin. Saýyqqannan keıin ımmýnıtet qalyptasady, ınfektsııanyń qaıtalanýy sıreıdi, - dedi departament basshysy Gúlmıra Syzdyqova. 

Dárigerler profılaktıka úshin naýqaspen qarym-qatynasty shekteýge, gıgıenalyq tazalyqty saqtap, salaýatty ómir saltyn ustanýǵa keńes beredi. 

Buǵan deıin biz Batys Qazaqstanda 3 400-den astam adam jelsheshekpen aýyrǵanyn habarlaǵan edik.