Qyzylordada jasóspirimderdiń qatysy bar qylmys 7,1%-ǵa azaıdy

QYZYLORDA. KAZINFORM – Qyzylorda oblysynda kámeletke tolmaǵandar arasyndaǵy quqyqbuzýshylyqtardyń aldyn alý baǵytynda júıeli jumys atqarylyp keledi.

Oblystyq polıtsııa departamentiniń málimetinshe, 2026 jyldyń alǵashqy toqsanynda jasóspirimderdiń qatysýymen jasalǵan qylmystar sany 7,1%-ǵa tómendegen. 

- Jyl basynan beri kámeletke tolmaǵandar men jastar arasyndaǵy quqyqbuzýshylyqtyń aldyn alý baǵytynda «Jasóspirim», «Balalar túngi qalada» atty profılaktıkalyq is-sharalar ótkizildi. 

3164 quqyqbuzýshylyqtyń joly kesilip, qańǵybastyq pen kezbelikke beıim 71 jasóspirim arnaıy beıimdeý ortalyqtaryna ornalasty. 

2039 jasóspirimniń túngi ýaqytta zańdy ókilderinsiz júrgeni anyqtalsa, 100-den astam kásipker kámeletke tolmaǵandardyń túngi ýaqytta oıyn-saýyq oryndarynda bolýyna jol bergen, - delingen habarlamada. 

Buǵan deıin Oqý-aǵartý mınıstrligi elimizde kámeletke tolmaǵandardyń isteri jáne olardyń quqyqtaryn qorǵaý jónindegi komıssııalardyń qyzmetine qatysty jańa erejeler kúshine engenin habarlady.