Qyzylordada jas jigit trotýarda kólikpen júrip, TikTok-qa vıdeo túsirdi
ASTANA. KAZINFORM — Qyzylorda qalasynda TikTok jelisine vıdeo túsiremin dep jol erejesin óreskel buzǵan kólik júrgizýshisi jazaǵa tartyldy.
Qyzylordalyq polıtseıler TikTok messenjerine monıtorıng júrgizdi.
«Monıtorıng barysynda Qyzylorda qalasy aýmaǵynda Mercedes Benz avtokóliginiń ıesi jaıaý júrginshilerge arnalǵan jol júrisi qaǵıdasyn buzǵanyn anyqtady. Beınejazba boıynsha Qyzylorda qalasy polıtsııa basqarmasynyń patrýldik polıtsııa batalon qyzmetkerleri jol erejesin buzýshyny anyqtaýǵa baǵyttalǵan qajetti is-sharalardy júrgizdi» dep málim etti Qyzylorda qalalyq polıtsııa basqarmasynan.
Vedomstvo málimetinshe, jol qozǵalysy erejesin óreskel buzǵan 20 jastaǵy júrgizýshige qatysty Ákimshilik quqyq buzý týraly kodeksiniń 596-babynyń 1-bóligimen ákimshilik shara qoldanyldy.
Avtokólik aıyp alańyna qoıylǵan.
Eske salsaq, budan buryn Qyzylorda oblysynda tabıǵat qorǵaý zańnamasyn buzýdyń 190 deregi anyqtalǵan edi.
