Qyzylordada jarylǵysh zat týraly habarlama jalǵan bolyp shyqty
ASTANA. KAZINFORM - Qyzylordada jarylǵysh zat týraly habarlama jalǵan bolyp shyqty.
Keshe, 12 maýsymda keshki ýaqytta Qyzylorda qalasynda ornalasqan «Jibek joly» saýda ortalyǵynda kúdikti zat týraly polıtsııaǵa habarlama kelip tústi. Oqıǵa ornyna shuǵyl túrde jedel qyzmetkerler jiberildi.
«Tekserý barysynda tyıym salynǵan zattar men jarylǵysh qurylǵylar tabylmady. Polıtsııa qylmystyq quqyq buzýshylyq bolyp tabylatyn terrorızm aktisi týraly kórineý jalǵan habar bergeni úshin jaýapkershilik týraly eskertedi. Ol úshin QR Qylmystyq kodeksiniń 273-babynda (Terrorızm aktisi týraly kórineý jalǵan habarlaý) jaza kózdelgen. Osy bap boıynsha 5 jylǵa deıin bas bostandyǵynan aıyrý jazasy qarastyrylǵan», - dep málim etti Qyzylorda oblystyq Polıtsııa departamentinen.
Eske salsaq, budan buryn Qyzylordada elden jınap alǵan 250 mln teńgesin kazınoǵa jumsaǵan adam sottaldy.
