Qyzylordada jaryq baǵasynyń ózgerý sebebi belgili boldy
QYZYLORDA. KAZINFORM – Qyzylorda elektr taratý toraptary kompanııasy 25 qazannan bastap jaryq baǵasynyń ósý sebebin túsindirdi.
Kompanııa elektr energııasyn taratý jáne tutynýshylardy elektr energııasymen jabdyqtaý qyzmetin 2025 jylǵy 1 qańtardan beri júzege asyryp keledi. Kásiporyn basshylyǵy tarıf zańnama talabyna sáıkes qalyptasatynyn, ony ýákiletti organ bekitetinin atap ótti.
- Tarıftiń ózgerýine birneshe negizgi faktor áser etti. Atap aıtqanda, elektr energııasyn biryńǵaı satyp alýshydan alý baǵasynyń ósýi, «KEGOK» AQ ulttyq elektr jelilerin paıdalaný qyzmeti tarıfi qunynyń artýy, óńirdegi ortasha jalaqy deńgeıiniń ózgerýi sebep. Sondaı-aq qyzmet kórsetý barysynda elektr energııasyn satyp alý jáne onymen baılanysty qyzmetter tarıfiniń ózgerýinen paıda bolatyn shyǵyn artty. Osy faktorlardy eskere otyryp, elektr energııasymen jabdyqtaý qyzmetine arnalǵan saralanǵan tarıfter bekitildi, - delingen habarlamada.
Eske salaıyq, kóp uzamaı elektr energııasyn bólshek saýdada ótkizý boıynsha tutyný kólemi men tutynýshylardyń tobyna qaraı saralanǵan baǵa qoldanysqa engizilmek.
