QPL: «Ordabasy» óz alańynda «Elimaıdan» basym tústi
ASTANA. KAZINFORM - Fýtboldan el birinshiliginiń HVІІІ týrynyń ekinshi oıyn kúnin «Ordabasy» (Shymkent) - «Elimaı» (Semeı) komandalary túıindedi.
Komandalar bıyl aldyna joǵary maqsat qoıyp otyr. Qazir týrnır kestesinde shymkenttik klýb kósh basynda kele jatsa, semeılik komanda úzdik úshtikten kórinýden qol úzgen joq. Sondyqtan jankúıerler bul kezdesýdi asyǵa kútti.
Oıynnyń 8-mınýtynda «Ordabasy» sapynan Bern Ionsen esep ashsa, 12-mınýtta «Elimaı» quramynan Fessý Plakka tarazy basyn teńestirdi. Odan keıin Gı-Marselın Kılama 37-mınýtta qaıtadan shymkenttik klýbty alǵa shyǵardy.
Oıynnyń 60-mınýtynda «Ordabasy» sapynan Elhan Astanov penaltıden múlt ketken joq.
Osylaısha kezdesý barysynda shymkenttik klýb qarsylasynan 3:1 esebimen basym túsip, týrnır kestesinde 43 upaımen birinshi orynǵa kóterildi. Olardyń ekinshi orynda 42 upaımen kele jatqan «Qaırattan» bir oıyny kem.
Oıyndar nátıjesi
18 shilde
- «Oqjetpes» (Kókshetaý) - «Jetisý» (Taldyqorǵan) 2:0
- «Qyzyljar» (Petropavl) - «Tobyl» (Qostanaı) 1:1
- «Jeńis» (Astana) - «Ulytaý» (Jezqazǵan) 1:1
- «Qaısar» (Qyzylorda) - «Kaspıı» (Aqtaý) 1:1
- «Atyraý» - «Qaırat» (Almaty) 1:3
19 shilde
- «Altaı» (Óskemen) - «Aqtóbe» 2:4
- «Ordabasy» (Shymkent) - «Elimaı» (Semeı) 3:1.
Bul týrdaǵy «Ertis» (Pavlodar) - «Astana» kezdesýi belgisiz merzimge keıinge shegerildi.
Endi HІH týr oıyndary 25 jáne 26 shilde kúnderine belgilengen.
Eske salsaq, budan buryn fýtboldan el birinshiliginiń HVІІІ týrynda «Aqtóbe» syrt alańda Óskemenniń «Altaıynan» basym tústi.
