Qyzylordada ústeme jumys istegen 82 qyzmetshiniń quqyǵy qalpyna keltirildi
QYZYLORDA. KAZINFORM — Jyl basynan beri Qyzylorda oblysynda memlekettik qyzmet salasynda 29 tekserý júrgizildi.
Memlekettik qyzmet isteri agenttiginiń Qyzylorda oblysy boıynsha departamenti onyń 6-yn josparǵa saı, al 23-in jospardan tys uıymdastyrdy.
— Nátıjesinde 563 zań buzý deregi anyqtalyp, memlekettik organdarǵa kemshilikterdi joıý týraly 11 usynys berildi. Usynystar tolyq oryndaldy. Jumys ýaqyty rejıminiń buzylý jaǵdaılarynyń aldyn alý maqsatynda 54 monıtorıng júrgizilip, 82 ústeme jumys isteý deregi anyqtaldy. Departamenttiń haty negizinde 82 qyzmetshiniń quqyǵy qalpyna keltirilip, olarǵa 145 demalys saǵaty berildi, — dedi departament basshysy, ádep jónindegi keńes tóraǵasy Erlegen Meńdalıev.
Baqylaý nátıjesinde 3 memlekettik qyzmetshi ákimshilik jaýapkershilikke tartyldy. Onyń 2-i ákimshilik quqyqbuzýshylyq týraly kodekstiń 89-babynyń 1-bóligimen eskertý aldy, 1 qyzmetshige 154-babynyń 1-bóligimen 605 500 teńge aıyppul salyndy.
Eske salsaq, Soltústik Qazaqstan oblysynda memlekettik qyzmetshilerdiń quqyǵyn qorǵaý barysynda birqatar zańbuzýshylyq anyqtaldy.
