Qyzylordada úsh kúnde kóktaıǵaqtan 55 jol-kólik oqıǵasy boldy

QYZYLORDA. KAZINFORM – Qyzylorda qalasynda 24-26 qańtarda kóktaıǵaq saldarynan 55 jol-kólik oqıǵasy tirkeldi.

Avtokólik júrgizýshilerine QR Ákimshlik quqyq buzýshylyq kodeksiniń 610-baby boıynsha ákimshilk hattama toltyryldy. Onda kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy jaǵdaıy tirkelgen.

«Jol boıynda arnaıy 20 avtokólik pen 45 tehnıka jumyldyrylyp, qum-tuz sebý jumystary júrgizildi. Júrgizýshilerden kólik jyldamdyǵyn arttyrmaýyn suraımyz. Jyldamdyq rejımin saqtaý, sondaı-aq avtomobılder arasyndaǵy qaýipsiz araqashyqtyqty saqtaý jáne qysqy dóńgelektermen jabdyqtalý mańyzdy. bul joldaǵy kútpegen apattyń aldyn alýǵa birden-bir sebep», - dep málim etti Qyzylorda qalasynyń Polıtsııa basqarmasynyń bastyǵy polıtsııa polkovnıgi Aıdar Qasanov.

Eske salsaq, budan buryn Qyzylordada polıtsııa qyzmetkerin qaǵyp ketken kólik júrgizýshisi ustaldy.