Qyzylordada «Ýaz» kóligi jolaýshylar avtobýsyna soǵyldy

QYZYLORDA. KAZINFORM — Qyzylorda qalasynda ÝAZ avtokóligi jolaýshylar avtobýsyna soqtyǵysty. Oqıǵa saldarynan bir adam aýrýhanaǵa jetkizildi.

Oqıǵa 21 aqpan saǵat 18:45 shamasynda oblys ortalyǵyndaǵy Abaı men Ǵ. Muratbaev kósheleri qıylysynda bolǵan.

«Jolaýshylar avtobýsy men ÝAZ avtokóligi soqtyǵysyp, jol-kólik oqıǵasy tirkeldi. Oqıǵa polıtsııa basqarmasynyń aryzdar men qujattardy tirkeý kitabyna tirkelip, tıisti materıaldar jınaqtalyp jatyr», — dep málim etti Qyzylorda oblystyq polıtsııa departamentinen.

Vedomstvo málimetinshe, avtobýsta bolǵan bir jolaýshy aýrýhanaǵa jetkizilip, medıtsınalyq tekserýden keıin úıine qaıtarylǵan.

Eske salsaq, budan buryn Qyzylordada qoǵamdyq kólikke soǵylǵan «GAZel» kóliginiń kabınasy janyp ketken edi.