Qyzylordada turǵyndarǵa qaýip tóndirgen zaýyt ǵımaraty buzylatyn boldy

Qyzylorda qalasynda qur qańqasy qalǵan tsellıýloza-karton zaýyty eski ǵımaraty tez arada buzylady, dep habarlaıdy Kazinform. 

Eski zaýyttyń qańqasy turǵyndarǵa qaýip tóndirip, qalanyń sáýlettik kelbetine nuqsan keltirip otyr. Halyq arasynda TsKZ atalyp ketken zaýyttyń jerin qurylys nysanyn salý maqsatynda 2004 jyly jalǵa alý quqyǵymen jeke kásipker ıemdengen.

Osy ýaqyt aralyǵynda kásipker jerdi nysanaly maqsatynda paıdalanbaǵan. Qurylys alańyn qorshaýǵa baǵyttalǵan qandaı da bir sharalardy qabyldamaǵan. Osyǵan baılanysty kásip ıesine eskertý jasaldy.

«Bul másele qala ákimdiginiń baqylaýynda bolady. Aldaǵy kúnderi jer ıesimen zaýyt qańqasyn súrý boıynsha jumystar júrgiziledi», - dep málim etti Qyzylorda qalalyq ákimdiginen.

Eske salsaq, budan buryn Qyzylorda oblysynda jańa mektep ashyldy.